اللي تركني في عز غربالي

اللي تركني في عز غربالي
بعد الشدايد وش اللي ذكره فيني

يبغى زمانه يعود ويرجع الغالي
وشلون يرجع بعد ما طاح من عيني

لا الوقت وقته ولا له شي في بالي
انا نسيته مثل ما كان ناسيني

ياما تمنيت نظره منه في حالي
ياما تمنيت صوته لو يناديني

وأقول ل أظلم علي الليل بلحالي:
الله يجيبه يشتت غربة سنيني

من كثر ماكان طيفه دايم قبالي
احيان احسه معي وتضمه يديني

ولامن تنبهت لين وجيه عذالي
كل على ماطرى باله يسميني

ليته تركني بعد هذا على فالي
زي ما تركته بعد قتله بساتيني

من بعد ما صار جا بلسانه الحالي
يبغى يرجع زمان بينه وبيني

قولوا له:اني ما أحبه كثر ترحالي
أو لا .. حرام يتضايق وإلا يبكيني

قولوا له:اني أحبه بس من تالي
ان راح والا رجع ما عاد يعنيني